ماشيه البنيـّـه بخلخال
متدلعه الخطوه فيها
من رنته قلبى مــال
عاشق وروحى تناديها
يا بنت يا سايقه الدلال
آنى اللى بالشوق ناديكِ
غاوى الدلع يا دلال
وسـْـكِنت لجله فى واديكِ
خلخالك انتِ اللى سمّع
والقلب من عزفه غنــّى
حالف لغيره ما يسمع
وكـتير لصوته تمنــّى
منديل بقويا وخلخال
ذادو الجمال فى البنيـّه
إطلبها ليـّـا يا خال
مش قادر اغمض عنيا
يا للى تصلى معايا
ع اللى اصطفاه الإله
تنعم بنور الهدايه
يا بخت مين نال رضاه
طب ليه تقول لى ما اقول لـَه ْ
زاد حملى من فوق كتافى
وان كان على القلب عِلــَّـه ْ
تبقى الحمول لم تعافى
.............................
للشاعر / السيد خطاب
ليست هناك تعليقات:
إرسال تعليق