ازاي تقول أنا بحبك
وهان عليك تجرح أوام
وتقول بتعذب ببعدك
وتختفي بالأيام
أنا الحب عندي حاجة تانية
ما بيهدي ولا بينام
وازاي حبيب يسيب حبيبه
من غير مايفسر له الأحلام
ويطمن حبيبه علي حبه
ويقوله انه بمكانه تمام
ولا يرميه كده بحيرته
ويمسح عنه الأوهام
الحب مش كيد ومناهدة
ده بلسم يداوي أي آلام
يا سيدي الحب مش عندك
ولا واصلني أي هيام
لما تهيم روحك مرة
حتبعت كل لحظة سلام
وتسعد حبيبك بكل غرام
وتسمعه أحلي كلام
لكن لما تنتقده بقسوة
بتقطع كده كل وداد
ماتسال ليه حبيب قاسي
دي ردة فعل الاحساس
مفيش ورد حيفتح
وكان نصيبه الاهمال
ياللي نويت تكدب
وتفتكس مرة الاحساس
طب اسال حتي ازاي الحب
واعرف وخد فكرة للأيام
ياسيدي الحب له مرايا
صافية وصورة للإحساس
لو احساسك صحيح صادق
حتبانلك الصورة واضحة تمام
ومتهيالي انت بصيت
مالقتش للأسف اي خيال
..........................
للشاعرة / ايمان محمد
Eman Mohamed
ليست هناك تعليقات:
إرسال تعليق