يا دنيا نايمة و صاحية ف الحواديت
انا لسه باحبى ف سكتك و باشوف
جوايا عيل بردو لسه برئ
فبلاش بفعلك تدبحيه م الخوف
خفى المواجع لو نويتى عناد
و اهدى ف عتابك ... ما تقوليش دى ظروف
تقلتى حملك ع الولد .. دا حرام
باينة الخديعة و كل شئ مكشوف
بتبيعى فرحه و تحرميه النوم
ماشية بشريعة خالف المألوف
لكن و ربى اللى ف سماه الخير
هيفوق و يرجع احلا م الموصوف
هيمد ايده ع اللى بتخبيه
و ساعتها روحه بالرضا هتطوف
و يدوس عليكى بالمداس .. مش عيب
هيعرى وشه و يبقى اد الوف
مش راح يدارى دمعته ف عنيه
صوته هيعلا.... يبقى مش مكسوف
................................
للشاعر / فهمي علي نصر
ليست هناك تعليقات:
إرسال تعليق