بتجرى ايامك .. للشاعر فتحي خود

بتجرى ايامك
 

بتجرى ايامك
واحنا بنجرى وراك
ما احلى صيامك
لما نكون وياك

فطارك سحورك
ليلك نهارك
وفى ليلة قدرك
نطلب رضاك

شهر كريم
شهر عظيم
فى السنة مرة
والكل يستناك

ايامك نسمة
بتطل ببسمة
والخير على ايدك
بيزيد معاك

يا ضيف يا غالى
يا مكتر احبابك
يا منور الليالي
على عيننا فراقك

جيت فى ايه
ومروح ليه
وليه اخدت
من السما هلالك

يا شهر الصوم
يا عالم تانى نشوفك
كلها كام يوم
وتودع ضيوفك.......................

للشاعر / فتحى خود