شد حيلك يا ولد
.................
شد حيلك يا ولد
الله عليكِ يا بلد
شبابك بزئر كالأسد
أبطال مصر بالكُرة
محروسين م العين
ومن الحسد
كان حلم بُكره وحققوه
بقوة وعزيمة وصبر وجلد
ولادك صرخوا ونادوا
الله عليك هداف أنت يا ولد
هزوا الفؤاد بالفرح
والقلوب بالأمل عادوا
حقنوا الفرحة ف الوريد
زغاريد وخلوا الدُنيا عيد
شد حيلك يا ولد
الله عليكِ يا بلد
ملوك الكُرة من غير كلام
وفي الملاعب تسمع سلام
والروح ترجع للجسد
فتحي والحضري وصلاح إمام
ومدد مدد قالوا مدد
و صلاح ساحر وبلمسته
جاب الهدف لما انفرد
ورفع ايديه ف السما
لله ركع وقام سجد
شد حيلك يا ولد
الله عليكِ يا بلد
حقيقة نقولها للزمان
فريق بجُهده صمد
بالهمة وبالحب وبالجلد
كأس البطولة اليوم اتولد
ولازم نجيبه للبلد
ونقفل أبواب الهزيمة
وننسى الخسارة للأبد
مصر يا أم العُروبة
يا شمس بتضوي بالسماء
والنجوم بتزيد بنورك عدد
اوعاكِ تركعي أو تنحني
غيمك ف السما وبصوته رعد
ولادكِ دول سحابة مطر
خير وشايلة جواها برد
علموهم في الملاعب
يعني إيه كلمة نكد
و خرزة زرقة تنزرع
من شر حُسادكِ
شد حيلك يا ولد
شد حيلك يا ولد
هادي مصر أم وبلد
...............................
للشاعر / عمرو هيرو 
ليست هناك تعليقات:
إرسال تعليق