مد الخطاوى ... للشاعر / فهمي علي نصر

مد الخطاوى و اسبق الأيام 
و مد ايدك و اخطف الضحكة 
بخلانة دنيتنا و مش بتنام 
و ف وقت نومها بتقفل السكة 
ماهو بكرا أصلا لو تشوفه جاي
مستنى منك ضحكتين فكة 
أيام بتجرى و انت ليه نساى 
و العمر كله مبنى على تكة 
من قبل منك مين زمانه لقاه 
مخنوق و جاله يحضنه و بشوق 
و مين يا صاحبى حس بيها حياة 
تشبه عروسة بابتسامة تروق 
أحوالها ماسخة و طايحة فينا جراح 
دمعتها قاسية تجعلك محروق 
انسى اللى عدى و انتهى و اهو راح 
و اسأل إلاهك .. تتعدل ... فتدوق
..............................
للشاعر / فهمي علي نصر