عيونك عجبتنى ... للشاعر/ رضا أبو الغيط

عيونك عجبينى
..................
يا حبيبتى عيونك عجبينى
وجواها بعيش
والتُقل ده ناوى يجننى
وما ريحنيش
ها تسوقى ف تقلك ودلالك
راح أفوت الدنيا وأسيبهالك
وها اطير ف براحى بجناحى
ولا أو دعكيش
يا حبيبتى عيونك عجبينى
وجواها بعيش

يا حبيبتى مخاصمك اكمنى
ما بيعجبنيش بُعدك عنى 
وشكيت الهجر ده لعيونك
وكلام  القلب بقولهولك
من غير ما اعاتب ولا احاسب
ولا قلبى  يجيلك ف مراكب 
ما بيعجبنيش بُعدك عنى 
ما بيعجبنيش
يا حببيبتى عيونك عجبينى
وجواها بعيش

على ايه البُعد اللى ما بينا
ودموع الحزن اللى ف عينا
على ايه راح نسمح لجراحنا
تاكل احلامنا وافراحنا
وتقولى غرامك مش عاجب
وانا وانتى يا حبيبتى حبايب
من قبل يا روحى ما نتقابل
ولا حتى نعيش
يا حببيبتى عيونك عجبينى
وجواها بعيش

ها تنادى ع الفرحه تجيلك
وها اجيلك شايل قناديلك
ها تنادى ع القلب النادى
ها تلاقى قلبى يناديلك
وأشيلك وف نن  عيونى
وأصونك كده فين ما تكونى
يا حبيبتى اوعى تنسينى
او يوم ما تجيش

يا حببيبتى عيونك عجبينى
وجواها بعيش
...............................
للشاعر/  رضا أبو الغيط