ياللي جمالك سرمدي..... للشاعر / محمد واصل

ياللي جمالك سرمدي
ومالوش نهايات
علي البساط الاحمدي
بنقول حكايات

شوفت البساطه بتتبسم
والضحكه منك بتقسم
احلي النايات

صبي ياصبيه واسقيني
يااحلي الصبايات
دا انا لحظة ماتشوفك عيني
بتحصلي حاجات

قلبي بيرقص علي صوتك
بيعمل حركات
لو حتي ثواني فسكوتك
تعلي الدقات

محلاكي ياجميله يارقه
ياست البنات
بقولها بحبك والدقه
تترجم للغات

الضحه منك بتغير
تضاريس الكون
لحظتها انا واقف متحير
كأعقل مجنون

ياساكنه القلب وف النني
فعنيكي بتوه
والكلمه إللي هتطلع مني
بحبك ياهوووه
وبحس ف اللمسه كأني
غارز ف جاتوه
وشفايفك سكرها مكرر
شهد الملكات

..........................

للشاعر / محمد واصل