حكاوي المسحراتي
الحلقة (29 )
مسحراتي
للفن انشر
و العيد و جانا
هلل و كبر
الله اكبر
الله اكبر
للحق ساند
للعدل انصر
بلاش تعاند
النور سيظهر
الله أكبر
الله أكبر
اعط الفقير
ارحم يتيم
انشر لخير
ربك يجير
تلقى الكريم
للذنب يغفر
الله أكبر
الله أكبر
نضف لقلبك
من الحقد طهر
و اسجد لربك
خلقك و صور
سبحانه وهبك
عقلك و نور
الله أكبر
الله أكبر
مسحراتي
و الفن عادة
و العيد عليكم
بهجة و سعادة
بصلاة نبيكم
تعلوا بارادة
و الرب ليكم
يقبل عبادة
و تنالوا فضله
بثواب زيادة
و تصير بلدنا
للكل سادة
هلل و كبر
قولوا الشهادة
الله أكبر
الله أكبر
يا رب عيدنا
بالفرح عمه
و فق جهودنا
وحدنا أمة
كل عام و أنتم بخير وصلنا لليلة الأخيرة نتمنى أن نكون قد رسمنا لحظة سعادة على وجوهكم شكرا لكل من تابع و علق و لكل من أعجب و الكمال لله وحده
و الفضل لمن سبق و على أثاره نقتدي و نسير للشاعر المبدع فؤاد حداد أشهر مسحراتي في الأدب العربي تفرد بهذا اللون الأدبي الذي يجمع بين البساطة في اللغة و الرقي في الفكر و الاهتمام بقضايا المجتمع يقول فؤاد حداد
مسحراتى منقراتى
ع الطبلة ايدى
ريشة فى دوايتى
اسمع يا سيدى
اسمع حكايتى
مع استيمارة
راكبة حمارة
اوّل ما راحت
راحت لحسنى قالت
يا حوستى
هو انت فاطر
قال : كنت فاكر
مش حانسى تانى
خليك مكانى
الاستيمارة
راكبة الحمارة
راحت لفكرى
قال: تيجى باكر
وتروح لزكرى
قال: روح لشاكر
والاّ لشكرى
شكرى فى اجازة
راحت لبهجت
لا حط ماذا
ولا سألها
أَشَّرْ نقلها
راحت لهانى
خليك مكانى
هانى الطاطورى
قال: فيما يبدو
راحت لعبده
لازم ضرورى
ضرورى لازم
راحت لحازم
منه لتيفه
شاغلاه لطيفه
منه لمكتب
راجل
مؤدب
ببدله بنى
قال لى أظنى
فى تانى اوده
عند الموظف
ابو بدله سودا
بدله رصاصى
قال لا مؤاخذه
مش اختصاصى
يا سيدى لاظوغلى
خلصلى شغلى
فى تانى طرقه
على شمالى
لبدله زرقا
شَرَحْت حالى
قال ثانية واحده
والاستيماره
من يومها قاعده
راكبه الحماره
لو كنت راكب
ما كنتش اوصل
ولا اؤدى واجب
ولا احصّل
واطلع بلاشى
احسن لى افضل
على مهلى ماشى
اصحى يا نايم وحد الدايم
السعى للصوم خير من النوم
ده ليالى سمحه نجومها سبحه
اصحى يا نايم
يا نايم اصحى
وحــــّـــد الرزاق
.................................
للشاعر / أبو مؤمن جوهر
ليست هناك تعليقات:
إرسال تعليق