بحبك قد ..... نهر النيل
وأنا علي شطك العطشان
بكتب لك بالدمـوع مواويل
وأنا التايه .... وأنا الحيران
رسمتك علي الجبين شمسي
لقيتك نبــض ما فــي أمسي
ولا قمرايه بتمسي
ولا بكرة طرح بستان
أقول يا بهية دليني
علي شطك وعديني
سجنوا روحي وسنيني
ما أنا لاقي صدر حنان
بحبك بس معزورة
ما بين ولدك وبين كرسي
وعايشة ما بينا مقهورة
علي مركب ياريت تمشي
ليه ما معاك في الصورة
ولا حضنك يكون عشي
دا أنت يا روحي مستورة
وفيك الجشع إدمان
وأنا عشمان
يكون لي شبر علي أرضك
ما أكون تعبان
ما بين طولك وبين عرضك
وأكون طوبة في ضمير إنسان
تستر من الفساد عرضك
وما لاقي الزرع يطرح خوف
لا ما ينام الفقير شـبعان
فليه شقاني بين حبك
وبين أني أعيش مستور
وليه قسمتي جنبك
في نهارك ما شافت نور
وليه الورد علي خدك
تضمه الجراح وقبور
وأعيش العمر أحصد لك
جناين حولوها لبور
أه يا أمي ياغايبه
ياللي بين الضلوع دايبه
ليه فيكي الحيتان سايبه
تمص دم الغلبان
علي شطك العطشان
.............................
للشاعر / محمد ضباشه
ليست هناك تعليقات:
إرسال تعليق