ضيف خفيف . للشاعر مصطفى عبد المجيد

قصيدة .. ضيف خفيف
...........................
يا ضيف خفيف خفيف
ليه بسرعه كده ماشى
خليك معنا يا غالى
داحنا منك مشبعناشى
===========
علمت الغني العطاء
وعيشت الفقير في رخاء
وجمعتنا بنداء
وسقتنا شهد الحيف
ياضيف خفيف خفيف
==========
علمتنا صلاة التراويح
وصيامك صحى مريح
شفيت المريض والجريح
وفرحت المدن والريف
يا ضيف خفيف خفيف
========
علمتنا الكلمه الطيبه
ومحيت سيأت الصبه
وقيدت الشياطين المرعبه
هليت ذى نسمة صيف
ياضيف خفيف خفيف
===========
علمتنا ازى نتلام
على مائده وحده يا عم
وشلت عننا الهم
والرضا أصبح رديف
يا ضيف خفيف خفيف
===========
جيت بفجر جديد
يا شهر غنى ومفيد
مشى وسايب لنا عيد
نظفت قلبنا تنظيف
ياضيف خفيف خفيف
===========
بقالى سنا بستناك
وهتمشي والخير معاك
يارب يصيبنى رضاك
يا أكرم صديق ووليف
يا ضيف خفيف خفيف
.............................
الشاعر / مصطفى عبد المجيد