بيلوموني
_________
بيلوموني الناس فى حبك
هو يعنى كتير عليا
وإن داريت حبك فى قلبي
يفضحوني دموع عينيا
انت ساكن جوه قلبي
حتى جوه نبض روحى
وإن كتمت الشوق فى قلبي
راح تبوح بالشوق جروحي
وإن قالولي القرب منك
نار ما تطفيها الدموع
قلت والله البعد عنك
موت ما بعده فى يوم رجوع
هو اهل الحب مالهم
فى الغرام ما لهمش سيرة
هو كان الشوق شكالهم
ولا ده فى القلب غيرة
كل شئ فى هواك يهون
إلا نار البعد عنك
وإن نشف دمع العيون
هاشتكي للشوق وحبك
يالّه ننسى الناس فى حالها
حتى ننسى الكون بحاله
وان قالولنا الحب نزوة
راح تقول طيب وماله
كلمات
عبد الرحيم على
ليست هناك تعليقات:
إرسال تعليق