الغابة
فى الغابه ديابه مفيهاش ناس
و يتنطط فيها النسناس
بيعامل الكل بكل جنون
بيسانده الأسد الظالم ديما
علشان توئمه منين م يكون
عاملين فى دويتو كله نشاز
ويولعوا ف كارهم جاز
ويهدوا الكون ويقولوا إنجاز
ومعاهم بوم وكتير دبابير
وكلاب الزور بتسانده كتير
تبعتله عتاد وكمان يحموه
والغابه خلاص كلها بتموت
ولا حد يقول ولا حتى يفوت
إنتهك العرض وم سلم الجار
هدوا الجدران حرقوا الأشجار
والكل ف ودنه طين وعجين
وحمير تانيين بيقولوا آمين
والدكر إتغير نوعه مدام
مش قادر ينطق اي كلام
ولا قالش لسانه كفايه حرام
الديك فى الغابه نتفوله الريش
خايف يدن ماهو مش حيعيش
والجنه اشتعلت كلها نار
ولا فيه شاهبندر ولا مغوار
يصرخ . صوته خلاص مبحوح
ماهو أصل الظالم سن قانون
عملوه الظلمه وأهل الدون
طب إمتى الفجر ياناس هيبان
نزرع فى الغابه كتير أغصان
وتغور الضلمه ويجي النور
إمتى يكون العون فى العون
من يأسي بقيت شاعر مجنون
أنا نفسي الحرف يلف الكون
(حامد شريفه)
ليست هناك تعليقات:
إرسال تعليق