ابن عمري
يا ابن قلبي وابن عمري
يا اللي كل حياتي ليك
يا اللي مالك كل امري
ليه دموعي تهون عليك
اوعى تجرح لحظه فيا
او أشوف منك قسيه
والله عندي الدنيا ديه
ما تساويش نظرة عنيك
عمري والله ف يوم ما هاشكي
ولا منك دمعي يبكي
طول حياتي تملي بحكي
عن رضايا يا إبني ليك
خايفه تغرق في الضلال
اوعي تاكل غير حلال
اوعى تنسى فرض ربك
اوعى تمشي ف يوم شمال
ع الأصول خليك تمللي
في المبادئ زيد وعللي
ضِلك انت اللي فاضلي
مهما ياابني عمري طال
خايفه يوم مني تمل
إوعى تبعد أو تضل
نور رضايا لو يطل
راح تعيش أطيبها حال
ليست هناك تعليقات:
إرسال تعليق