لما الحظ
لما الحظ يميل ميل
ويضيف قفزه لكل عويل
فجأة تلاقي أمور تتغير
والخير يرمح زي الخيل
بعد ما كنت كئيب يا منيل
لازم الفرح يكون له دليل
بعد ما كان الشق ف رجلك
يشبه سكه قصر النيل
اللي اداك يدينا يا سيدي
وإحنا هنرضى بكل قليل
أمسك نفسك أوعى غرورك
يمسك فيك ويقولك شيل
وتبيع ناس كلها عارفينك
وتدور على أي بديل
وأحمد ربك إنه عطاك
ولا تنساش أصلك يا أصيل
ليست هناك تعليقات:
إرسال تعليق