تصبح علي خير
يا صاحبي والله آنستني
وإوعاك تنسي متاعبي
من يوم ما سبتني
دايما خللي في بالك
إني شاغلني حالك
والفرح في يوم ما جالك
ب دعايا من سِني
تصبح علي خير
يا صاحبي يا أمير نورتني
وأعمل حساب لعشره
من يوم ما عرفتني
وإوعي الأيام تدوسك
وتشغلك فلوسك
والناس لما تبوسك
ألاقيك ب تنتني
تصبح علي خير
يا صاحبي يالا مع السلامه
وإوعي غيابك يطول
عشان كتر الملامه
وحاسب م المظاهر
الناس ليها إللي ظاهر
لو قلبك يبقي طاهر
علي الوش يبان علامه
تصبح علي خير
يا صاحبي في حفظ الله يا غالي
أنا راضي ب إللي عندي
عمري ما شغلت بالي
لكن من واجبي ليك
بما إني أقرب صديق
أهديك إلي الطريق
ب أمانه وب ضمير
عشان الخير يجيك
وأشوفك في العلالي
تصبح علي خير
يا صاحبي
ليست هناك تعليقات:
إرسال تعليق