الورد تشابه علينا
لمحت ورده جنب ورده
عينى سألت ورد مين
ياللى أنتى ظلمتى ورده
لما تاهت على الجبين
نور عيونك توه جمالها
والرموش تسحر قبالها
لما فاض منها الحنين
العيون السود بتحكى
م الغرام مليون حكايه
الورد منها عمال بيشكى
يا أم العيون ف السحر أيه
صبحوا ورقاتى وعطورى
فوق خدودها
لما بس تطل طله
عيد وجاى يفرح بهله
زي يوم بدر التمام
بالنور يبان ع الخد فـُله
جبتى ورده جنب وردك
تاهت وراحت بين الرموش
والله حرام هي أدك
يا أم العيون مبيرحموش
صورتك أنتى بألف ورده
يا أم الخدود بالضي شارده
وأنا ديوانى من النهارده
سميته بأسمك ورد العيون
ليلى قيسك عمال بيحلف
لما بس لمح عيونك صابه الجنون
غصب عني ولا بأدينا وأعذرينى
ورد خدك تشابه علينا صدقينى
بأختصار لما القمر يضوى بعيونى
غصب عني مش بكيفى
قلمى بعطرك عطر حروفى
خلانى أسأل ده ورد مين؟
لمحت ورده جنب ورده
عينى سألت ورد مين؟؟
ابراهيم الحداد
ليست هناك تعليقات:
إرسال تعليق