إغضب و اكتب يا قلم
اكتب عن أصل الحكاية
من البداية للنهاية
و إعقلها يا قلم معايا
و بكفاية تضليل و نغم
إغضب و اكتب يا قلم.....
بئر عميق في الصحرا
لا ميه فيها و لا شجره
تفتكر ايه اللي هيجرا
غير الأسي و الندم ...؟؟
إغضب و اكتب يا قلم.....
اكتب عن الطفل ريان
لما غدر بيه الزمان
و صار للشيطان قربان
و بالإعدام عليه إتحكم
إغضب و اكتب يا قلم
اكتب عن حقل تجارب
الطفل فيه بيحارب
في صحرا كلها عقارب
لا كلب فيها و لا غنم ...
إغضب و اكتب يا قلم
عن طفل بالقوة خدوه
من حضن أمه و أبوه
و في قلب البئر رموه
و الكل بموته اتصدم
ٕإغضب و اكتب يا قلم
اكتب عن حادث و حدث
لخمس أيام في بئر مكث
ازاي يطلع و فيه نفس
من غير زاد و لا ورم ...!!!
إغضب و اكتب يا قلم
اكتب عن تعتيم و تصميم
علي عدم الإستعانة بحكيم
غير الصديق القديم
و السر وراه إتكتم .....؟؟؟
ٕإغضب و اكتب يا قلم ....
★★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق