ياللي الغنا اتعلم منك
عشتي ياست وعاش فنك
ياهرم وسط الاقزام
مين ف الوجود يشبه فنك
سايبنانا في وسط الاطلال
ننسج خيوطها م الأحلام
مين اللي قال العشق حرام
ده كل عاشق قلبه يميل
ساعه مايسمع الحانك
والقلب يعشق كل جميل
اهديكي ورده وميت فله
مش برضه قلتي الورد جميل
علي عرفات ونتلاقى
وتبقي قلوبنا مشتاقه
معقوله ياثومه انساك
قالت لي اسأل كده روحك
اهل آلهوي ليهم ف القليب تماثيل
واسمعك لو راق الجو
واقولها اوقاتي بتحلو
في عشق مصر وشمس اصيل
برضاك عني يارب الكون
القلب عمره ماكان مغبون
بكره السفر ومنين مايكون
صوت ستنا فرحنا مضمون
سالتها ياصلاه الزين
صوتك يصبح ع الحلوين
اسمع كلامك واتهني
انت فين والحب فين
أنت عمري ومتقدر
ولا مره ع البعد راح اقدر
هجرتك يمكن انسى هواك
ومين علي بعدك يقدر
من وحي غنوتك غنيت
وف انتظارك انا مليت
ان كنت اسامح يبقى هويت
قدري ونصيبي ومتسطر
امتي الهوي يسمح ياجميل
نقعد سوا علي شط النيل
وليلي طال انشد مواويل
ياثومه عليك الله اكبر
واللي حبك يوم ياهناه
اعيش واحيا علي ذكراه
اللي حبك يوم ياهناه
تلقي الهنا والسعد معاه
واللي جفاه حبيبه بيوم
يا حسره العشاق وياه
نسمعك صاحيين ونيام
ونتوه في بحر من الانغام
والشك والغيرة تاخدني
الشك يحييه الغرام
نسمع كمان من ده وده
وقلوبنا تشعر بالرضا
لم ثومه تقول وتعيد
الحب كده ايوه وكده
الاوله في الغرام ياحلو متهني
قرب وشوف شعرنا
ودوق جمال فني
ياللي الغناء منك
وصفه دوا معروف
نسرح مع غنوتك
تغني قلوب وكفوف
وصفه ووصفها لكل عشاقك
طبيب غرام والقلب كان مخطوف
وقلتي ياستنا والقول
اكيد معروف
اللي عشق زينا
يتداري ليه بكسوف
والبوسه ع الخد تسكر
للعاشق الملهوف
ياخد بدال واحده
يبقى الوف والوف
وغلبت اصالح ف روحي
يا دوا فرحتي ونوحي
قالوا المحبه قدر
قلت جمعنا
دوا القليب المعنى
وشفا جروحي
ياعصي الدمع اوصف لي
اروح لمين
ياخلي البال مين زيك
كده عاشقين
افرح ياقلبي بكره يجمعنا القدر
بعد ما عيون حبيبي
علموني ع السهر
ليست هناك تعليقات:
إرسال تعليق