ألم ذكريات
ماشى ما بين ذكرى و تأميله
أدور على فكرة وترتيله
أحيى أمل بكرة بتأويله
تهون شقى
ف الوجد والشيله
وتايهه افكارى
جوه بحر الشوق
مش شايفه للمرسى
أو حتى منجى بطوق
توصل لبر امان
تتهنى بالمعشوق
فتحت بير السنين
ركزت ف الصورة
لمحت فيها الأنين
والصورة محسورة
على فرحه مش باينه
من كتر أحزانها
سابت وراها دموع
والنفس مكسورة
وأيه يفيد الفكر
جوه دروب
زايد فيها الألم
والأمل معطوب
رجعت شايل ندم
على عمر راح ولى
والصبح ضل الطريق
مش باقى إلا غرووووب.
(محمد الشاذلى)
ليست هناك تعليقات:
إرسال تعليق