إلى سيدة قصر القلوب
إلى أم الكمال
لما الرحيل كتب البدايه وابتدا موت الحياة
جوه ف عروقي مبتدا
أنا جيت رسمتك شمس طاله مدهبه
نورها يا غاليه من جبينك فضفضا
يا عشق جوايا نما
زهر عفا
محظوظ أنا
ان انتي أمي
وان أنا عفرة حنان
من توبك المليان صفا
يا ام الكمال
انتي الكمال
ولا الكمال منك غنا
طب يبقي ليه عاوزاني اموت وانتي الحياة
طب يبقي ليه عاوزاني اسيب طوق النجاة
وابتدي اغرق بدونك
وانتي جوايا السند والضهر والنور والسما
واللي حاصل بين بعادك واحتمالي
هو وشك يا ملاكي
هو دا زادي وملاذي
الف رحمه ونور عليكي
ياللي ف وجودك حياتي
الف رحمه ونور عليكي
يا ملاكي
ليست هناك تعليقات:
إرسال تعليق