كلامك ليا
وانا ياما كنت استناك
وبلمح طيفك وانت هناك
واقول ده انا روحى فداك
واعيش العمر انا وياك
أصل انا طول عمرى ريداك
كنت اسمع اسمك أو سيرتك
قلبى ياخدنى . لحداك
والعيشة الحلوه المعقولة
واحلمت انا اعيشها وياك
وكلامك ليا وحواديتك
وبيوت الشعر وقصاقيصك
تحكيها ليلاتى و سمعاك
مال العزال بينا ومالهم
مايهمنى منهم حواديتهم
ده كلامهم لينا فى قعدتهم
خلانى ادوب انا فى هواك
لاسمعت فى يوم انا لكلامهم
ولاهمنى أبدا أفعالهم
خليهم يهروا كده بنارهم
طول عمرى عيونى شيفاك
وعاوزنى طيب اقول ايه
ده كلامك يا اخواتى عليه
شهد مكرر لاقول سكر
دايما بتقول وتحليه
وانا قولت ساعتها ده رايدنى
من بين الكل هو اختارنى
وكلامك مش هايحيرنى
واغير طب ليه ومن ايه
ماتريحوا طيب كده حالكم
ولاتشغلوا مره علينا بالكم
ده هوانا ماعدش خلاص منه
شاغلكم كده وقل منامكم
بكفايه كلامك بكفايه
ليحسوا بينا عزالنا
لازم تدارى على هوايه
ويبقالنا حكايه وروايه
والكل يحكى ويايا
ويسألوا قال بيطمنوا
لادارى عنهم فرحتنا
ولا يعرفوا عنا أي نهاية
راوية حسن
ليست هناك تعليقات:
إرسال تعليق