المحاكمة جايه جايه
تاخدى حقك من إيديهم
تقصفى عمر إللى خانك
و إللى باعك
و إللى خلاكى غبية
يا بهية
.....
إحنا مش من بطن تانيه
ولا عاشقين دنيا فانية
إحنا زرعك من ترابك
عمرنا ماهننسى حقك
و إللى خانك و إللى باعك
المحاكمة جايه جايه
يابهية
....
الحقوق بالعدل جايه
البعيدة والقريبة
و إللى خد حفنة تراب
من وراكى
مش هسامحه
المسامحة تبقى خيبة
كلنا ولادك ورايتك
عندنا ليها الف هيبه
يابهية
...
مهما سوس الأرض نهشك
مهما خرب فيك فاسد
باقية صامده عاليه شامخة
شعب واحد رب واحد
إنت رحم الكل و الأم الأبية
يابهية
ليست هناك تعليقات:
إرسال تعليق