اسمع كلامي يا ديك
============
عوني هشام
اسمع كلامى............... يا ديك
الفرخه دى.............. مش ليك
ابعد بالك ................ يرتاح
بكرا القدر ..............يرضيك
عايزك ...........تشوف بعنيك
افرز .................وخد بايدك
توب الاصيل ..............غالى
وتوب الخسيس........... يأذيك
فكر ..............جناب معاليك
وخد اللى قلبه ...........عليك
واللى ف وجوده.. ........فرح
مش كل يوم ............يبكيك
اسمع كلامى ............يا ديك
فى كلام.............. مالوش لزمه
يعمل ٢٠٠.................... ازمه
وناس مع .................الازمه
مناها تفرح .................فيك
وناس ...............مع الماشي
بجنيه ...............ماتسواشى
فى الشر ............دوم ماشي
وفي الشده.......... يرمي عليك
وناس ...............مع العشره
الواحد .............مقام عشرة
خالص ..........ماهوش قشره
وعينه .............مع خطاويك
اسمع كلامى .............ياديك
الناس...................... مع الالوان
صادق.............. وفيه من خان
واللى مالوهش ............امان
دايما يخطط ...............ليك
وفى ناس تقول....... دى ورد
بتصلي الفروض.......... والورد
بحكمه وجاهزه................ الرد
ووقت الجراح ........تداويك
نقي اللي من................. توبك
هايدارى ............فى عيوبك
حافظ....................... لمكتوبك
عمره ما يشمت ............فيك
اسمع كلامى .............يا ديك
============
#عوني_هشام
ليست هناك تعليقات:
إرسال تعليق