الكانون كان حنون
مطلبش مره قرش
وﻻ صابه مره الجنون
وقال مبشتغلش
وياما استحملنا سنون
بس احنا ال مطمرش
وجرينا ع البوتاجاز
كل يوم يهلك ف غاز
واسطوانه تجيب اسطوانه
كأننا ياعالم نشاز
وأخرتها ياعزاز
ب ٦٠ بقت أم كرش
ورجعنا نعتت ف روحنا
ونلفق التهمه لحد
ل الزمن العاشق جروحنا
ولل شايفها ورد
بس الحقيقه بجد
إحنا ال مانستاهلش
ماستغفرناش اﻹله
لما قال استغفرونى
ووعدنا برزق ف سماه
وقال انتم ف عيونى
دا وعد الصادق ف علاه
بس احنا ال مبنصدقش
ليست هناك تعليقات:
إرسال تعليق