وحداني
ماتعرفيش يا امه
حبيتك أد أيه
حبيتك وأنا وحداني
وحنانك مش لاقيه
حبيتك وأنا بابكي
ودموعي نازله ليه
الدفا ماحستوش
وحضني ودعتيه
مش كنتي تفضلي حبه
وتشوفي ابنك بيه
واللا لما حب بنية
كان عاوزك تفطميه
وتطبطبي وتهنني
و الجرح تطيبيه
واللا في يوم فرحه
والناس بتهنيه
دورت عليكي يومها
وسط العيون تيه
أمي يا ست الكون
أمي يالحن باكيه
كان نفسي أعيش أغني
وجمالك يكون معانيه
أمي يانبع قلبي
قلبي حنانه فيه
كان نفسي أدوقهولك
وأزين راسك بيه
وابوس إيديكي يا أمه
وحضنك أحتويه
يا أمل حلمت بيه
لقيت الآهة بتسقيه
رحمة الله عليكي يا أمي
رحمة الله عليك يا أبي
محمد فتحي عبد الغني
ليست هناك تعليقات:
إرسال تعليق