قطن بلدنا وخير اراضينا
فضل المولي وكرمه علينا
زرع ولادنا وكد ايدينا
بذره بتطرح عشرين لوزه
نجمع نحلج ولدي بينسج
مكنه ودايره لخير اهالينا
في الجلابية اعمل حزيه
قرب يابني انت وهي
موسم يطرح قليبي بيفرح
راح تتجوز بنتي هديه
جوه اكياس م الخيش نكبسها
احلي هدمه ياولدي البسها
تنور بلدي تقيد فوانيسها
نعمل فرحه نزين مجالسها
قطن بلدنا طويل التيله
صنع صدر قول ياحليله
شارب ميه زلال م النيل
زند ولادنا يحمل شيل
فلاح بلدي ما عمره عويل
اسمر بشبه طمي النيل
قطن بلدنا ما زيه مثيل
نصلي علي الهادي نبينا
نشكر رب الكون يهادينا
راح تتحق بيه امانينا
م الفجريه نجمع لوزه
يكفينا شر الناس والعوزه
قوم واتكل علي نشاك
قوم صلي الفجر لمولاك
قطن بلدنا وفخر ولادنا
منه لحاف منه مساندنا
منه نشور احلي عروسه
قطن بلدنا فخر اراضي
اجمع قطنك قلبك راضي
ربي لكل عباده يراضي
اجمل زرع الحلو وادينا
كلماتي يحيى ابراهيم محمد
حركّ الماوس لمشاهدة الصورة في وضع ثلاثي الأبعاد
ليست هناك تعليقات:
إرسال تعليق