يابووووووى
يابوى ع الضربة لو جتلك
من ايد مطلوب حمايتها
ف لحظة بتنتهى بقتلك
ورغم الموت بطعنتها
بتنكر طعنها وتنفى
دليل اثبات جنايتها
عشان ايدك اكيد منك
ومهما خدتها سكتها
اكيد راجعة ولو طالت
ف ليل البعد غربتها
ساعتها اكيد هتتأكد
بان الدنيا ضحكتها
وراها الدمع متخبى
وزارعة الشوك ف سكتها
ومين الدنيا ضحكتله
وعاش مخدوع ف حلاوتها
مفاقشى بس يا خسارة
كانت وصلت نهايتها ؟
نهاية رحلته فيها
ومين يقدر يثبِّتها
عقارب ساعته لداغة
وجد شديدة قرصتها
بتسرق عمرنا منا
بخفة ايد ف ضحكتها
تراب كان اصلنا وبرضه
أخرنا النوم ف تريتها
ليست هناك تعليقات:
إرسال تعليق