مطلوب ...
البرلمان .. الجديد !! ..
قررت أكتب زجل .. ... ..وأحكى اللى شوفته سنين
ومعايا كام مستند .. ... قرارات .. على قوانين ..
أول قرار معتمد .. .. .. راح يفرح الملايين ..
من بكرة يبقى الأمل .. ... ونوظف العاطلين
ولكل خريج تمن .. .. .. ماتقولوا يلا .. أمين ..!
والخير يُعم البلد ... .. راح نفتح الدكاكين ..
ولايبقى فينا كسول .. .. ولا يبقى فيه مساكين
والواد يشوف لهُ عروسه .. و يوفى عهد الدين ..
والعيشه راح تكتمل .. بس انتوا قولوا .. أمين ..!
ننزل فى واحة عمل .. .. رايحين مع جايين ..
ولمصر نبقى الأمل .. ونكملوا المشوار ..
مش بس نحلم .. وحلمك .. فى العسل .. يختار ..!
ونبث روج الثقافة ... فى سائر الأقطار ..
نحشد قوانا ونحارب عدو الدار ..
عاوزين أوامر صريحة .. تلفت الأنظار
ونوحد اللى اختلف ونهدى فى اللى احتار ..
مايكونش فينا .. تلف .. ولا مريض .. أمصال ..!
والطب يعمل عمايله .. ويرصد المنظار ..
وكم حلول تتعرض .. يلزم تكون بقرار ..
مستنظرين السند .. يا مجلس النواااب ... !!!..
الشاعر .. حسن السحماوي
ليست هناك تعليقات:
إرسال تعليق