قرار إزاله
لكل أعداء الرساله
اللى فى كهوف الجهل
عاشوا
رافضين خروجهم
واستحاله
تقدر تغير فكرهم
لا ب ١٠٠ كتاب
ولا ١٠٠ مقاله
عايشين فى دور
الاوليا
وهما بس الاوفيا
لكنهم
عايشين عواله
لما تعاملهم باحترام
ولا تجادلهم فى الكلام
بتكتشف اصل الرزاله
قرار ازاله
لكل تكفيرى قتل
حامى البلاد
لكل عقل واتغسل
جوا الفساد
لكل فتوة بقلقله
من غير نصوص
لكل كل الاسئله
وكل الدروس
لكل تخريب للبلاد
علشان فلوس
ولكل جسم يحركوه
وكانه اله
قرار ازاله
لكل انواع المظاهر
لعيون بيملاها الخداع
لشيطان وعامل نفسه
طاااااهر
لكل انواع الضياع
لعقول مقدمه الاستقاله
قرار ازاله
لكل منهج للتطرف ندرسه
لكل مين ردد كلام كالبغبغان
لكل عابد للشيطان وبيحرسه
لكل جوف فيه اتبلع مليون
لساااااان
لكل مين شاف الحقيقه والتفت
لكل حاوى وكل واحد العوبان
للمرتزقه
وكل انواع الحثاله
قرار ازاله.
ليست هناك تعليقات:
إرسال تعليق