يا دنيا تعبت منك
ليه مزعلانى منك
كل ما اقول خلاص دى هانت
ألاقيها على قلبى همت
طلعى القلب من حزنك
وصلينى لبر بحرك
طمني قلبى اللى دايب
من تعبه ماشاف غير ظلمك
ليه دايما تمرجحينى
من أحزانك خرجينى
مابلاش تدوخينى
خلينى افك عنكك
ليه كده قلبتها ضلمه
ليه ناسك دايما دى ظالمه
كنت عايشه فيكى حالمه
ان انا اعيش فى خيرك
كل ماانسى اقع فى حفره
مع انى دايما فاكره
واخدت منك فكره
سحبتينى فى قعر بيرك
نفسى فى طوق النجاة
نفسى اعيش الحياه
والامل يبلغ مناه
طب ورينى خط سيرك
اه يادنيا تعبت منك
اللى ماشى فيكى يذمك
تعبتينى بتقل دمك
نفسى انول جزئ من خيرك
شايفه ناس وبكل صراحه
فى حياتها عايشه ومرتاحه
مش زي قالبينها مناحه
اشمعنا انا اللى تعبت منك
ليه يادنيا عليه قاسيه
ليه دايما لفرحى ناسيه
دايما اقول عليكى فانيه
انا مستغنيه عنك
ومش عايزه حاجه منك
روحى الله يغنينى عنك
ادعى واطلب من ربى
إنه يمحيلى كل ذنبى
ويدعونى اليه والبى
وانسى كل حاجه عنك
راوية حسن
ليست هناك تعليقات:
إرسال تعليق