طول عمرنا - بيضمنا
حُضن الوطن
وف قلبنا - من صغرنا
صورة العلم
رغم الصعاب والإغتراب
رغم المحن
نور شمسنا - بيقول لنا
انسوا الألم
بكره النهار راح يتولد
من صبركم
والضلمه
وسنين العذاب
هتغور بعيد عن أرضكم
ويعود لنا
ويعود لكم
حق الشهيد واللى انظلم
طول عمرنا
متشعبطين
ف الصبر وخيوط الأمل
وف كل صبح
بيتولد
على أرضنا مليون بطل
بيقولنا - من حقنا
يسعد عيونا - وقلبنا
أجمل الوطن
ونشوف على جبين الزمان
صورة العلم
يا أيها الشعب اللى لازم ينتصر
اوعى ف يوم صبرك يلين
أو تنكسر
كل الأمانى ممكنه
طول ما القلوب مطمنه
ومعانا قدرة ربنا
وتاريخ كفاحنا المحترم
*****************
رضا أبو الغيط
ليست هناك تعليقات:
إرسال تعليق