بهية
............
يا فرحتك وانتي
زي بنات الحور
لو ف الخلا بنتي
هلت بشاير نور
قالوا عليكي بهيه
متحصنه ف حصون
من صغرها وهيه
حواليها مليون سور
اصل البنيه صبيه
والوجه بدر بدور
مين ده إلا يوصلها
ويخش قلب الحور
يسهر علي حصنها
ويصد أهل الزور
حلواني يشبه لها
اسمر وقلبه جسور
يقدر علي مهرها
لو ف السما مبدور
حلواني يادي العجب
علي ارضها مشهور
شايل سبايك دهب
وفإيده طاقة نور
خايف علي حسنها
من شكة الدبور
لو حد قرب لها
دم الكرامه يفور
حلواني لكن جدع
قلبه عليها غيور
لو حد داس طرفها
يبقي عليه الدور
لا عمره فات حصنها
ولا عمره بات مكسور
قلبه علي قلبها
عاشق بنات الحور
..............
الشاعر طه ابراهيم
ليست هناك تعليقات:
إرسال تعليق