القدس القضيه المعلقه
بقلم:محمدأبوالحسن
***********
القضيه هى هى
من سنين متعلقه
والمعالى والملالى
محبوسين فى شرنقه
مش شاغلهم غير
ديوانهم
وازاى يحافظوا على
مكانهم
حتى على حساب
شعوبهم أو جيرانهم
إلمهم تفضل الكراسى
محجوزالهم
ولو بحبل المشنقه
لاتقوللى وطنيه
ولاقوميه
كل دا أصبح كلام
للتريقه
والشعوب عن الوعى
نايمه مغيبه
ومشغولين بالمعلقه
والحكام عرفت آخرهم
وملت بالخوف قلوبهم
وزرعت الفتنه بينهم
مشتتين وفى كل مكان
متبعزقه
والقضيه هى هى
والحلول فى المحرقه
إصحوا وفوقوا ياعرب
مالكم متكتفين
لو واحد فيكم انضرب
أخوه بيهيص ويقول
أجين
خلاص النخوه ماتت
والعار غطى الجبين
بصوا لحالكم والكوارث
اللى انتوا فيها غرقانين
لالينا وزن ولا كرامه
ولاعارفين احنا مين
ماتتمسحوش فى تاريخ
جدودكم
دول كانوا ناس طاهرين
كان عندهم عزه وكرامه
وكانوا يملوا العين
تركوا مجد وحضاره
ياترى حفظتوا عليها
ولاراحت فين
إصحوا ياعرب وانفضوا
غبار السنين
واتوحدوا على رأى
واحد
فى حاجه تخزى العين
بلادنا بتضيع حته حته
واحنا ولا حاسين
واللى فى إيدينا النهارده
مش عرفين بكره هيبقى
فين
إلزمن مابيرحمش
وأعدائنا مستنيبن
تخرب بلادنا بإيدينا
وهما شمتانين
وتضيع ليوم الدين
ياحكام العرب يامكبرين
إلوطن أمانه والشعوب
أمانه
ياتكونوا قد الأمانه
ياتروحوا ومتشكرين
ياتخليكوا لازقين فى
الكراسى
وتموتوا كلكوا خاينين
القضيه هى هى
واحنا كلنا ميتين
محمدابوالحسن
ليست هناك تعليقات:
إرسال تعليق