إضحك يالله من جواك
واعشق معنى الفرح
دا كل مافرحه تعدى عليك
بيطيب جواك الجرح
دنيا ومالهاش قيمه
إضربها صرمه قديمه
حياتك إقلبها لسيما
وبرجلك دوس ع الجرح
إوعى تفكر فيها
ورا ضهرك يالله ارميها
ياما قالوا وعادوا عليها
فانيه ومالهاش فرح
إضحك وعيش أيامك
واتغلب على أحزانك
تلقى الحياه قدامك
شجره ومليانه طرح
حط أعصابك ف تلاجه
مش واخدين منها حاجه
دي روايه تلتينها دباجه
وأبطالها عاوزين الدبح
أضحك يالله من جواك
واعشق معنى الفرح
دا كل مافرحه تعدى عليك
بيطيب جواك الجرح
..
عبدالحميد المرسى
ليست هناك تعليقات:
إرسال تعليق