أخويا شتمني .. الشاعرة مشيرة النقيب

 

     

أخوية شتمني😢
*******
فجأة لاقيته مجرد واحد
وكأنه يااخوانا غريب
ودا كان ضلي مكان ماتواجد
وتَمَلِى على قلبي حبيب
فجأة شتمني
من غير ذنب شتم زعلني
قلبي إتغير غصبن عني
وقفلت أمام حبه الباب
ولاعاوزة حتى اسمع منه
ولامرة أَوَجِهلُه عِتاب
عَز عليا القسوة عليا
بعد ماكُنا إتنين أصحاب
ييجي وفجأة ويِغلط فيا
أو يشتمني بدون أسباب
عَز عليا وأثر فيا
عُمري ماكنت في يوم أتخيل..
إنِ دَا يِحصَل مِالأحباب..
حَبَست الدَمعة
كُنت لاشايفة كمان ولاسامعة..
بس كتمت في قلبي الوَجعة..
لو كُنت أقدر كُنت بكيت..
وإتسَحَبْت وبعد شوية..
قولت لأهلي سلام ومشيت.
بس هسامح
لازم أصفى كمان وأصالح
أصل العمر دا وقت ورايح
مش راح يفضل غير أعمال.
كانت كلمة وبس وراحت
ولايوم بِتضُر الأقوال.
هنسى كلامه وقسوِة قلبه
وأبقى أميرة
طَويلِة البال
بقلمي
أ.مشيرة النقيب