عصفور وغاوى زقزقة وتنطيط
رحت اشتريت الوهم
وهربت أنا م البيت
وجريت حفيت
ماسألت أنا فى الأهل
وفى كل يوم تخبيط
وآدى الحلاوة اشتكت
واتلمت الفتافيت
وعهودى لما اتنفت
كتب الكلام على الحيط
ويقول دا قلنا وقال
ويا كترة الحواديت
عفريت جنابى اتنفض
وصبحت أنا إللى جنيت
هم وكتير م التعب
ومن جنتى استكفيت
وعرفت فى الآخر
إنى ما كنت حويط
وحكايتى مالهاش دوا
مهما شكيت وبكيت
عصفور وغاوى زقزقة
#بتول العتربى#
ليست هناك تعليقات:
إرسال تعليق