صباح الخير . الشاعر يسرى عثمان

صباح نكته وحدوته
صباح ضحكه علي النوته
صباح الخير يا فتفوته
صباحك نادي توت أحمر
صباح هادي كدا منور
صباح علي ضلفة المنور
لقيت عصفوره خضيره
بتنقر حافة الشباك
وعاملالها خيوط وشباك
وعش فيه كام بيضه
البيضه تشبهك بالظبط
زي ما قولت فتفوته
ف سيبت الدلفه مفتوحه
وكام جايه وكام روحه
سمعت زقزقه ونوحه
وكام كتكوته بتزقزق
وأم بتبكي مجروحه
عشان أصغر ما فيهم مات
وكات قصه من الحكايات
صباحك فل ننوسه