( يوم العيد )
قاعد مستني في يوم العيد
تليفون رسالة من حد قريب
وأقول ياترى فيه حد فاكرني
أنا مش طالب سلام بالإيد
العيد بقه عندي ذكريات
بفتكر اللي كان واللي فات
كان حواليا ناس كتير
كانت الفرحة والضحكات
واقول يمكن الدنيا تلاهي
والأحزان جوايا ملاهي
عايش بس على ذكرى
ما كل الناس زي ماهي
ولا رنة ولا كمان مرسال
كأن ما فيش كلام ينقال
زعلان منك أوي يازمن
خسارة فيك حتى الموال
طير يا حمام هاتلي أخبار
من ناس كانوا هنا في الدار
لو شفتهم سلملي عليهم
قولهم أنا موجود في الدار
الشاعر ( جمال رمضان )
ليست هناك تعليقات:
إرسال تعليق