اوعي الحلم يصبح كابوس
يصارع جواك حرب ضروس
تسلم روحك وماتتعلمش
إزاي تتقن فهم الدروس
شفت قصة صاحب الحوت
خليك زيه وفي الضلمة فوت
ذكره لربه . فالضلمة فانوس
خرجه للنور من ظلمة تابوت
خلي الامل جواك بيوت
اوعي اليأس جواك يفوت
الياس ده بيت عنكبوت
صالح نفسك وآمن بربك
خليك موسي يتشق بحرك
ومش حتغرق ولا حتموت
خلي ايمانك سرب طيور
يرفع روحك تنسي القبور
الضلمة دايما مش الأصول
الاصل دايما رحمة.... ونور
ان غربت شمسك خليك ذكور
بعد الصيام حيحلي الفطور
وعيش حياتك من غير فتور
اوعي تمل من طول طريق
وخلي الامل والصبر رفيق
وعيش ايامك واكيد حتنول
اوعي الحلم جواك يضيع
يعمل مع الاحباط تطبيع
الدنيا مش محتاجة تقفيل
بعد العواصف بيبجي الربيع
ولكل خير وحلم قول حستطيع
مع دعائي لكل الزعلانين مالحياة بانشراح الصدور وانفراج الهموم وكشف الكروب بقدرتك يارب العالمين
ايمان محمد
ليست هناك تعليقات:
إرسال تعليق