اغازلك
ــــــــــــــــــــــــــــــــــــــــــــ
اغازلك .. تغازليني
اقولك كلمة بلساني
ترد عنيكي وبنظرة
ايوه انت نور عيني
حقيقي احترت انا فيكي
ازاي يا عمري انا احبك ؟
وازاي ياعمري اوفيًكي ؟
اقول الكلمة لو قاسية
الاقي الشفه تلمسها
قوم تطلع غنوة اغنيها
غنوًة عود كلا سيكي
حقيقي احترت انا فيكي
اوفيكي ازاي يا نجماية
وانتي الساكتة ف العالي
وساكنة برضه جوًايا
نسمة ضيً بتلالي
حواليا ماشيه ومعايا
واعيش ازاي لو تخفي
راح اعترف انا بضعفي
ولو شعري ولو حرفي
ماقدروا يوفًو احساسي
ها كتبلك كلمة وبدمي
بحب الحب لو منك
واحب الموت لو فيكي
واموتلك ييجي 100 مرة
والرب يعيد لتكويني
عشان ما افضل انا اغازلك
وانتي برضه ... غازليني
ـــــــــــــــــــــــــــــــــ
كلمات عبدالحي فرغلي
ليست هناك تعليقات:
إرسال تعليق