أغاني ريفية
******
على رتم أغنية
( راجعة تاني بس لسه )
****
يا ساقيني الـــمر ليه
ترمي و تقول حصليه
ما خلاص كرهت بنك
عايزة اشرب كركدية
****
الفــراق لهــلب حــشاي
و بايديك تاكل ف عشاي
اخص جاك عفريت يجنك
امتى تشرب عندي شاي
****
يا للـــي هجرك زاد مرار
و اشــكي مــنك ليل نهار
دنــيتي فيها الــف مـنك
عمر حبي ما كان هـزار
****
بص لي بالـــذوق ياخـــينا
دا الحنان و الشوق راخينا
لو هترجع أرضــى عـنك
و اعزمك على فخـفـخينا
****
لو تغيب هتغيب لي شمسي
يا للي حـبك روحــي نفسي
مش هفارقك يا للي عـشقك
ف الغرام دي حلاوته بيبسي
ليست هناك تعليقات:
إرسال تعليق