أمانة .. عليك
*********
يا عام الحزن فارقنا
كفايه القلب مش ناقص
معاك الجرح حارقنا
بلاش منك بقى بناقص
هنتجمع في يوم معلوم
وتوب الحزن بان دامس
تزهزه علينا في يوم
ويومها الحب يجي راقص
أمانه عليك لازم تمشي
وسيبلي ضحكة تتمايص
على خدي الدموع بايته
وبرضوا علينا بتخابس
أنا فوضت أمري إليه
وربك بالقلوب حاسس
ياعام الحزن فارقنا
بلاش منك بقى خالص
..................
للشاعرة / حنان الحسيني
ليست هناك تعليقات:
إرسال تعليق