💚وحشني زمان💚
*******
وحشاني ليالي زمان
وقاعدةأنس في الشارع مع
الخلان
ولقمة بجبنة م الزلعة
وحزمةخس مغسولة من الترعة
وراكيةشاي ونتدفى على الولعة
وشمس خيوطهامكسوفةلكن طالعة
وحشني الناس
قلوب بحياتها فرحانة ومقتنعة
وحشني النول
وإبرة وفتلة بنخيط بها الرُقعة
وحشني زمان
💚💚
وحشني النيل
وحشني القاعدة مرسومة
مع المواويل
وحشني الليل
وقاعدة بشمعة سهرانة
مع القنديل
ووجه جميل
ولون الطرحة بيلالي في
حضن الليل
وعمر طويل
مفيش أمراض بتديله
بكاء وعويل
وحشني زمان
💚💚
بقلمي مشيرة النقيب
ليست هناك تعليقات:
إرسال تعليق