شط الغرام
=========
فى شط الغرام
عرفت الكلام
وكان دق قلبى
سلس بانسجام
الاغى المراكب
وكل اللى راكب
صابتنى نظره
جت فى المنام
فضلت معايا
تشد ف هوايا
مسكت ايديا
ماعرفت انام
كوتنى بنارها
وانا فى انتظارها
كانت لى فرسه
وبايدى اللجام
دخلنا السباق
بحب وعناق
عدينا الحواحز
وكنت الامام
امام هيه قِبله
اخدت انا قُبله
جت بين ايديا
بشوق وبهيام
هيام بنت حلوه
بلسم وسلوى
دقت الشفايف
راحت الالام
سلوى جميله
بعيون كحيله
حرام تبقى جنبى
وعينى تنام
كانت امينه
وكانت رصينه
تعرف تغازل
بفن الغرام
اه منه قلبى
قال المستخبى
باعنى وخدها
مابعرف بكام
ليست هناك تعليقات:
إرسال تعليق