فيما مضى
كنت أعرف ناس قلوبهم
بيت براح
كانوا عايشين بـ ابتسامة
كانوا مرهم للجراح
كانوا بير أسرار وراحه
كانوا همّا الفضفضه
فيما مضى
فيما مضى
كان ليا ناس خايفين عليا
كانوا سَتٌرِي والغطا
كانوا ليا كل حاجه
كنت ليهم كل حاجة
فجأة ضاعت كل حاجه
كل حاجة ملخبطه
فيما مضى
فيما مضى
كنت أعرف ناس بتضحك
ضحك يوصل للفضا
كانوا أبسط م البساطة
وانبساطهُم كان رضا
صبحت حياتهم ذكريات
راح زمنهُم وانقضى
لو نعيشها بقلب صافي
يبقى كُل الكون رضا
عيشها راضي كله ماضي
بالحُب عيش وِمَتنْسَنيش
لمّا أكون فيما مضى
ليست هناك تعليقات:
إرسال تعليق