ما تسيبش دموعك ف عيوني
و لا ترمي انين روحك فيا
انا بردو ما عدتش اتحمل
بعد اللي قاسيت تاني قسية
جوايا وجع مالهوش اخر
و ف روحي جراح اكبر مني
فبلاش ف الجرح تدوس عمدا
و تزيد ف همومي و تظلمني
ما انا قلت زمان محتاج لامان
و الروح بصمت لك بالعشرة
و قسيت و مشيت سيبت الحواديت
صادقة اما تقول داس ع العشرة
حتما راح افوق و اضحك و اروق
حتى لو الوقت بطئ جدا
جرحي و هيطيب مع انه غريب
و اكيد فجر الرحمة هيدن
قررت اسيب مش هابقى قريب
و لا هانده تاني على امبارح
و هارمي بذور احلام و زهور
علشان الطرح طلع جارح
هارب لمكان ما فيهوش أحزان
و هناك هاتعلم اكون روحي
انسى اني هويت و عشقتك بيت
و هاداوي بأيدي صدى جروحي
ليست هناك تعليقات:
إرسال تعليق