ردا على العظيم الشاعر الغنائي ابراهيم دعبس
في منولوجه القيم و تغيير المكياج للحقيقة
أقدم لكم هذه الأبيات بقلمي مشيرة النقيب
💚 بالمكياج ظلمونا💚
******
واللهِ دلوقتي ظلمتونا
وظلمتوا كمان اللي جابونا
قدامكوا يادوب صفحات بيضا
وتغالطوا تقولوا ماشوفتونا؟
💚******💚
أهي بينا الايام والعشرة
وعرفتوا الأصلي من القشرة
ليه ظلمتوا الستات بالمرة
وتقولوا ان إنتو كشفتونا؟
💚***** 💚
طب إمشوا مع الحيات تلسعكم
وتأدِبكم وتلوعكم
عاوزين إللي يرد دماغكم
أحسن مابتيجوا تعايرونا
💚******💚
وعنيكم من كُتر زواغها
بتحبوا كتير وتفارقونا
والله بتستاهلوا الحية
ياما حبيتوا غيرنا وسِيبتونا
💚******💚
وتقول الحيات بتقولك
ان الستات دول غلابونا؟
حيات دول مين بس ياشاعر
طب دا حنا الحيات ظلمونا
💚******💚
وبتعمل خير؟
روح إعمل خير بس ف نفسك
محتاج اللي يسد ف نِفسك
وبفِعل ذنوبك متمسك
من كتر اللف قرفتونا
💚******💚
بقلمي
مشيرة النقيب
6/11/2019
مع تحياتي للشاعر الغنائي القدير
إبراهيم دعبس
******
دا كلام الأستاذاللي رديت عليه
*****
انتو اللي كيدكو عظيم
و بتذلوا قلب كريم
أمشي. مع الحيات
ولا. أمشي ويا حريم
*****
ربك خلقني بقلب كبير
حتي النسا تعدادها كتير
ازاي ب واحدة استكفي
مغرم تملي بفعل الخير
*****
ههههه تحياتي ل ست الكل الشاعرة المبدعة. أ. مشيرة النقيب
ليست هناك تعليقات:
إرسال تعليق