( مش هرحمك)
*********
الشاعر الغنائى/جمال عز الرجالش
وهنت عليك تقولها ،،بعد اللي كان بينا
طلعت م الشفايف ،،وانت اللي شاغلنا
راحت فين أيام صبانا واحنا صغيرين
كانوا يحسدونا واحنا رايحين جايين
والقلوب باين عليها م العاشقين
وانهاردة جاي تقولي ،،انسي الايام والسنين
لا
لا ياحبيبي دا الحب غالي
واوعي في يوم تنسي الليالي
أيام صبانا كانت بريئة
شايلة معاها كل المعاني
وكان منا يا نعيش حياتنا
ياحب غالي وننسي اللي فاتنا
جاي انهاردة تقولي انسي
أنسي حبي يابو قلب خالي
لا لا لا لا
مش هرحمك؛ يااحلي غنوة عشتها
مش هرحمك ؛ عن كل كلمة حلوة قلتها
بكرة الندم هيرجعك
مش هتلاقي زى حبي ينفعك
وساعتها انا اللي هودعك
ليست هناك تعليقات:
إرسال تعليق