غرام يوسف❤
*****************
إذا سمينا قصتنا هسميها
غرام يوسف وحبي فيك
بدون ماشعر ألاقي
كل نظراتي مسافرةإليك
رنين صوتي مخبي
كلمة محبوسة
بتنده ياحبيبي عليك
تقولك من بعيد قرب
تعالى نعيش بلاش تبعد
بدون كلمة كتير بناديك
بنظرة عين ماليها الحب
تترجى كلام اللهفة
والأشواق ينام في عنيك
❤❤❤
ماهيش سهلة
ليالي الفرقة على قلبي
وانا عبلة
في قوة حبها لعنتر
ومهما تقسى أيامنا
بحب أكتر
لهيب حبك بيكويني
لكن بصبر
وأحبك فوق ماتتصور
ورغم البعد والأشواق
نويت أصبر
❤❤❤
نداوي جراحنا في غرامنا
نشوف الجنة قدامنا
نعيش أحلى غرام عشناه
كمان مرة
ومش هنسى حنيني ليك
ولا مرة
حقيقي بجد مش قادرة
ومتعلقة بيك
بحس بإننا زُليخة
مع الصديق
لابد في يوم هيجمعنا
أكون روحك واكون عمرك
نعيش الجنة في الدنيا
وفي الاخرة
ونشبع مللي طول العمر
ناقصنا
ويجمع بينا أنا وإنت
ياروحي طريق
بقلمي
مشيرة يحي النقيب
/10/12/2019
ليست هناك تعليقات:
إرسال تعليق